A title in the short and fast-paced series Quick Reads. An introduction to the history of one of the world's biggest drugs networks that was active in mid Wales in the mid 1970s. In a rural laboratory near Tregaron pure LSD valued at millions of pounds was produced and seized; this lead to an interesting and legendary criminal case. Reprint; first published February 2008.
Llyfr Cymraeg. Llwyddodd Operation Julie i chwalu marchnad gyffuriau fwya'r byd. Marchnad o filiynau o dabledi LSD - cyffur oedd yn cael ei wneud yn gudd mewn labordy yng nghanolbarth Cymru.
~Publisher: Y Lolfa
Cymeriadau lliwgar yn ymddangos yng nghefn gwlad Cymru, heddlu cudd yn byw fel hipis mewn carafán, ac aelodau o’r Rolling Stones yn Nhregaron! Mewn byd ffuglennol, efallai y gallech gredu fod y pethau anhygoel yma wedi digwydd go iawn. Ond, yn wir, ffeithiau yw’r rhain, ac fe ddigwyddodd hyn i gyd yng Nghwm Blaencaron yn ystod y 1970au.
Mae’n anodd credu i’r ymgyrch hon, a alwyd yn ‘Operation Julie’, barhau am dros dair blynedd. Arestiwyd 120 o bobl, canfuwyd gwerth £100 miliwn o dabledi LSD, ac ardal Tregaron yng ngorllewin Cymru oedd canolbwynt yr holl helynt.
Gyda Dick Lee, Pennaeth Uned Gyffuriau’r heddlu, yn arwain yr ymgyrch, defnyddiwyd pob math o dechnegau newydd ac arloesol i wrando ar sgyrsiau ffôn y troseddwyr, ac i ddilyn eu ceir ar hyd lonydd bychain cefn gwlad Cymru.
Mae sawl hanesyn doniol ac ysgafn yn y llyfr megis y stori am ddefaid yn cnoi drwy’r ceblau a roddwyd mewn caeau i drosglwyddo gwybodaeth bwysig i'r heddlu. Trodd y trosglwyddydd mewn un man yn erial radio am fod y defaid wedi cnoi drwy’r tâp insiwleiddio, a’r heddweision yn gwrando ar Caniadaeth y Cysegr!
Roedd y byd cyffuriau yn Llundain, America ac ar draws y byd a’i lygaid ar gefn gwlad Cymru yn y cyfnod hwn. Bu aelodau’r grŵp cyffuriau a’r gwerthwyr cyffuriau yn byw ymysg trigolion yr ardal am flynyddoedd, a doedd hi ddim yn beth anghyffredin i weld ‘Smiles’, neu Alston Frederick Hughes (i roi ei enw cywir iddo) yn yfed yn nhafarn y Talbot yn Nhregaron.
Wedi blynyddoedd o wylio a gwrando, tarodd Operation Julie ar fore dydd Gwener 25 Mawrth 1977. Disgynnodd yr heddlu ar Dregaron, Llanddewibrefi, Maesycrugiau a Chwm-ann. Yng nghartref un o’r dynion yn Llundain, canfuwyd gwerth miloedd o LSD pur mewn pecynnau o uwd ac Alpen!
Roedd yr heddlu wedi llwyddo i ddal nifer fawr o’r grŵp cyffuriau a oedd yn gweithio yn yr ardal, ond noda Lyn Ebenezer fod cylch Tregaron, hyd heddiw, yn llawn hanesion a straeon anhygoel am gyffuriau ac arian wedi'u cuddio mewn stof llosgi coed, neu ar y mynydd uwchlaw pentref Llanddewibrefi.
Llyfr clir, syml ac uniongyrchol yn cyflwyno hanes yr ymgyrch mewn ffordd ysgafn a diddorol.
~Hawys Tomos @ www.gwales.com
Related Books
Please note that ePub files can now be opened on Kindle.
This website uses cookies. By continuing to use this website you are giving consent to cookies being used. For more information on how you can disable them, visit our Privacy and Cookie Policy.
Strictly Necessary Cookies
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.