Mali a'r Morfil

Mae Mali a Dylan yn deffro un bore i ddarganfod morfil wedi'i olchi i fyny ar y traeth.Mae tad Mali yn dangos iddynt sut i ofalu am y morfil wrth iddyn nhw aros i'r llanw ddod i mewn. Mae Mali yn canu i'w thawelu, tra bod y plant a'u ffrindiau yn gweithio gyda'i gilydd i'w chadw yn oer ac yn wlyb. Ond a fyddant yn llwyddo i helpu'r morfil yn ol i'r mor mewn pryd?Ysgrifennwyd gan Malachy Doyle, darluniwyd gan Andrew Whitson.'With lovely, simple, emotional text, the reader is placed right in the story; feeling every moment and effort and really invested in the outcome. [...] There is a real sense of community in this book; reliance upon each other, working together with a common, selfless goal. As the story goes on, the sense of compassion and empathy builds, encompassing every page. (And this is done as much through the illustrations as the text.) Gripping, evocative, caring and quietly joyous.' Mary Esther Judy, Fallen Star Stories'This is a moving tale from a skilful storyteller and equally talented illustrator about the power of empathy and teamwork. Doyle's engaging narrative is vividly brought to life by Whitson's colourful artwork.' Jenny White, Western Mail ~Publisher: Graffeg

Heb os nac oni bai, fy hoff beth am y gyfrol yma i blant ydy’r darluniau. Mae’r morfil fel petai ganddo wyneb dynol, llawn emosiwn, mae’r cymeriadau yn gwisgo dillad lliwgar ac mae nodweddion eu hwynebau yn gartwnaidd-gomic a llawn cymeriad. Dw i'n meddwl y byddai’r clawr yn apelio at gynulleidfa ifanc wrth iddyn nhw ddewis o’r silff lyfrau.



Mae hon yn stori am ddau blentyn sy’n mynd i lawr at y traeth ar ôl storm i chwilio am unrhyw beth diddorol allai fod wedi golchi i'r lan dros nos. Ond pan maen nhw’n cyrraedd, maen nhw’n gweld morfil anferth yn gorwedd ar y traeth. Wedyn cawn hanes y gymuned yn cydweithio i gadw’r morfil yn wlyb ac yn oer hyd nes y daw’r llanw i mewn yn ddiweddarach. Mae’r plant yn aros ar ddi-hun trwy’r nos, sy’n syniad deniadol iawn i blant bach, felly dw i’n tybio y bydd yn plesio’r rhai sy’n darllen y gyfrol yma. Mae Mali, y ferch fach, yn cyfansoddi cân fach i gysuro’r morfil a’i gadw’n dawel hyd nes ei fod yn cael ei achub.



Fedra i ddim dweud yn iawn at ba oed na lefel darllen y mae’r llyfr yma wedi ei anelu. O bryd i'w gilydd mae’r eirfa ychydig yn ffurfiol (e.e. ‘cyhyd’, ‘aiff’), a allai fod yn anodd neu’n ddiarth i ddarllenwyr ifanc iawn. Ond mae’r llinell storïol ei hun yn awgrymu ei fod ar gyfer plant bach. Serch hynny, mae lle i gyflwyno geirfa newydd o bob cywair i blant ifanc yn ein llyfrau, mae’n siŵr, ac nid oes raid gorsymleiddio ar gyfer plant bach drwy’r amser.



Roeddwn i'n hoff iawn o naws cyffredinol y gyfrol. Mae hi’n stori, yn ei ffordd gynnil ei hunan, sy’n dysgu pwysigrwydd bod yn ofalgar o eraill, gweithio fel tîm ac fel rhan o’r gymuned ac i ofalu am fyd natur. Mae’r tudalennau yn ddeniadol dros ben gyda’r darluniau arbennig o fanwl a hardd ac mae’r gwaith celf yn dod yr un mor bwysig â’r stori, wrth i’r lliw a lluniau lenwi’r dudalen gyfan.



Dyma stori hoffus am y cyfeillgarwch a’r ddealltwriaeth sy’n datblygu heb eiriau rhwng Mali a’r morfil a dw i’n siŵr y bydd yn dod yn ffefryn o blith y straeon amser gwely mewn sawl cartref. ~Mererid Haf @ www.gwales.com