A pioneering début novel by a talented young writer. It follows the journey of two teenage characters, Deian and Anest, and their amazing relationship through the angst of their lives. A novel that will move you to tears and make you laugh out loud as you wonder at the author's skill in delving deep into the minds of two characters who will remain with you for a long time.
Mae’n debyg na fyddwch wedi darllen nofel o’i thebyg yn y Gymraeg o’r blaen. Mae hon yn sefyll mewn cae ar ei phen ei hun, ac mae ei darllen wir yn brofiad.
Cyfeillgarwch Anest a Deian yw calon y nofel hon. Rydyn ni, ddarllenwyr, yn dod i’w hadnabod fel pobl a gwrando ar eu problemau, eu hofnau, a’u teimladau dyfnaf. Erbyn diwedd y nofel byddan nhw’n teimlo fel pobl go iawn o gig a gwaed, nid cymeriadau mewn llyfr yn unig.
Iechyd meddwl yw thema fawr y nofel ond mae cyfeillgarwch a rhyddid lawn bwysiced. Mae’r ddau gymeriad yn cyfarfod ar hap mewn ysbyty yn ystod gwyliau’r haf, y ddau yn brwydro gyda’u hiechyd meddwl. Tra oedd pawb arall o'i chyfoedion yn meddwi a mwynhau dyddiau hirion yn yr Eisteddfod a Maes B, roedd Anest yn edrych ar y sêr drwy ffenest ei hystafell blaen yn yr ysbyty.
Mae Deian yn greadur unig ac eithriadol o swil. Nid yw’n gadael fawr neb i mewn i’w fywyd personol, heb sôn am ei feddyliau. Ar wahân i'w deulu, mae’n debyg mai cyfaill pennaf Deian yw Vincent Van Gogh a’i lyfr The Letters of Vincent Van Gogh.
Creadigrwydd a chreu yw’r ffisig gorau yma, a’r berthynas glòs rhwng orfod creu a cholli gafael ar y meddwl yw'r llinyn arian sy'n rhedeg drwy'r stori. Mae dyfyniad gan y cerflunydd Brenda Elias ar ddechrau’r nofel, a dyfyniadau o The Letters of Vincent Van Gogh wedi eu pupro drwyddo. Mae pawb yn gwybod pawb beth yw tynged yr athrylith hwnnw, ond a fydd creadigrwydd yn ddigon i achub Deian, a sut mae Anest yn mynd i dawelu’r lleisiau sydd mor amlwg yn ei meddwl?
Os yw pobl ifanc am ddarllen nofel sydd yn mynd i adlewyrchu eu hiaith, eu bywydau a’u Cymru cyfoes nhw, yna hon yw’r nofel sydd am wneud hynny.
Yn y tudalennau ola mae rhestr o rifau ffôn a gwefannau all fod o gymorth, sy’n adnodd gwych i bobl sy’n dioddef gyda phroblemau iechyd meddwl neu'n poeni am ffrind neu aelod o’r teulu. Yn sicr, bydd darllenwyr yn uniaethu â themâu a chynnwys y nofel, ac yn bwysicaf oll, yn ymestyn allan i bobl.
~Mared Llywelyn @ www.gwales.com
Related Books
Please note that ePub files can now be opened on Kindle.
This website uses cookies. By continuing to use this website you are giving consent to cookies being used. For more information on how you can disable them, visit our Privacy and Cookie Policy.
Strictly Necessary Cookies
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.