Cyfres Mellt: Hwdi

Nofel ar gyfer disgyblion Blynyddoedd 7-9 i'w darllen fel dosbarth neu fel unigolion. Mae Gareth F. Williams yn feistr ar storiau sy'n codi gwallt eich pen a bydd Hwdi yn gwneud i chi edrych dros eich hysgwydd dro ar ol tro ...An exciting story by master novelist Gareth F. Williams for Year 7-9 pupils, with many hair-raising occurrences to keep readers looking over their shoulder time and time again ... ~Publisher: Y Lolfa

Cyfres wedi'i hanelu at ddarllenwyr rhwng 11 a 14 oed yw Cyfres Mellt. Mae hi’n frith o nofelau gafaelgar sydd yn denu diddordeb.



Ac i ti’r darllenydd, dydi Hwdi ddim yn siomi ac mae hi’n sicr o dy adael ar bigau’r drain ar ddiwedd pob pennod.



Mae Lois a’i mam, Buddug, yn symud i dŷ newydd, ond cyn pen dim mae’r ferch yn taeru bod dihiryn yn llechu y tu ôl iddi neu wrth ei hochr. Mae pawb yn meddwl bod Lois yn un od ac nid yw’n cael llawer o gydymdeimlad gan ei ffrindiau. Wrth iddi rygnu drwy’r act fawr fod popeth yn iawn, mae pethau’n mynd o ddrwg i waeth ac nid yn unig dychmygu rhywun yn ‘lyrcio’ mae hi, ond daw llais ‘hen ddyn powld’ dros ei ffôn hefyd un diwrnod. Pwy gebyst yw’r dihiryn? Ai rhyw hen byrf yw hwn? A sut goblyn gall Lois gael ei wared?



O weld y teitl mae rhywun yn tueddu i feddwl mai nofel ystrydebol yw hi am blant drwg ar berwyl, ond mae hon yn llawer mwy na hynny. Mae Hwdi yn un sydd yn dy yrru di i edrych dros dy ysgwydd wrth ddarllen, ond go brin y bydd neb yn dychmygu’r diweddglo dychrynllyd hwnnw. Dyma sy'n gwthio’r nofel i’r entrychion.



Da ti, cofia gloi'r drws cyn ei darllen! ~Llinos Griffin @ www.gwales.com