Cyfres Pen Dafad: Alffi

Dyma nofel fywiog, garlamus sy'n cyflwyno Alffi Jones, cymeriad annwyl sy'n tynnu strach a miri yn ei sgil pob man yr ai. Mae tlodi a chaledi cymdeithasol yn gefnlen i'w fywyd, ond ei bersonoliaeth sydd yn pefrio drwy'r nofel drwyddi draw, a'i agwedd bositif at fywyd sy'n gyrru'r stori.Alffi Jones is a likeable character who seems to attract all sorts of high-jinks wherever he goes. Poverty and social hardship provide the backdrop for Alffi's life, but his personality shines throughout the novel and his positive outlook on life drives the story forward. ~Publisher: Y Lolfa

Stori yw hon am fachgen cyffredin ym Mlwyddyn 9 o’r enw Alffi Jones. Mae’r ysgol yn mynd ar drip i Baris, ond gan fod tad Alffi newydd golli ei waith dydy Alffi ddim yn gallu fforddio mynd. Gan fod Alffi ar dân eisiau mynd, yn bennaf i greu argraff dda ar Medi Clarke (merch bert o’i ddosbarth), mae’n chwilio am swydd ac yn llwyddo i gael un gyda Iori Iog, y dyn llaeth. Ar y dechrau, mae popeth yn wych, ond mae Iori ac Alffi yn mynd i bicil – gan nad yw Iori, y dyn cŵl mewn sbectol haul, mor cŵl ag y mae’n ymddangos ar yr olwg gyntaf.



Mae’r stori yma’n ardderchog ac yn gyffrous o glawr i glawr, sy’n ei gwneud hi’n anodd i'w rhoi o'r neilltu! Mae’n cynnwys iaith ddoniol, sy’n addas ar gyfer pobl ifanc, a'i chlawr modern, diddorol ac atyniadol yn denu’r darllenydd. Mae'r broliant ar y cefn yn gwneud i chi ysu am ddarllen y cynnwys, ac rwy’n argymell y llyfr hwn i ddarllenwyr yn eu harddegwyr sy’n mwynhau stori dda. ~Gwenno Thomas @ www.gwales.com