Sion Corn a'r Anrheg Gorau Un

Dyma anrheg ddelfrydol ar gyfer plant hyd at ddeg oed. Fe fyddai’n gweithio llawn cystal fel llyfr i’w darllen yn uchel amser gwely neu fel llyfr iddynt bori drwyddo yn dawel ar eu pennau eu hunain.



Mae Siôn Corn wrthi’n brysur yn paratoi ei sled ar gyfer y noson fawr sydd o’i flaen. Mae ef a’i helpwyr bach yn drefnus iawn, ond eto i gyd fe aiff un anrheg fach ar goll. Sut all Sion Corn achub Nadolig Gwydion?



Mae rhythm y geiriau mor bleserus â rhediad y stori: mae'r lluniau yn gymheiriaid perffaith i eiriau Tudur Dylan. Mae’n nhw’n goeth iawn ac yn llawn manylion (chwiliwch am y dylluan yn yr atig!) ac mae lliwiau godidog gweithdy Siôn Corn yn gwrthgyferbynnu’n hyfryd â’r eira sy’n drwch ar y trefi llwydion fin nos.



Dyma lyfr delfrydol ar gyfer ychydig funudau tawel dros yr ŵyl. ~Sally Owen @ www.gwales.com